Waziri Mkuu, Kassim Majaliwa anunua hisa katika mtandao wa simu za mkononi ya Vodacom

WAZIRI Mkuu, Kassim Majaliwa amesema amenunua hisa za kampuni ya Vodacom Tanzania Plc zenye thamani ya shilingi milioni 10 pamoja na nyingine za shilingi milioni 10 kwa ajili ya mke wake, Mary Majaliwa.
Alitoa taarifa hiyo kwa waandishi wa habari mbele ya wakuu wa masoko ya Hisa na Dhamana, Soko la Hisa la Dar es Salaam, viongozi wa Baraza la Uwezeshaji na Kampuni ya Vodacom katika ukumbi wa Ofisi ya Waziri Mkuu, Magogoni jijini Dar es Salaam.
Pamoja na kueleza alichofanya, Waziri Mkuu aliwasihi Watanzania walioko ndani na nje ya nchi wachangamkie fursa ya kununua hisa hizo ili waweze kuwa wamiliki wa kampuni kupitia hisa zao.
Alisema anajua watumishi wa umma wamepewa fursa ya kununua hisa hizo kupitia mipango iliyowekwa na Makatibu Wakuu wao, lakini pia amewasihi viongozi mbalimbali wa Serikali na taasisi wachangamkie fursa hiyo ili nchi iweze kupata kodi kupitia makampuni hayo.
Akimkaribisha Waziri Mkuu kuzungumza na hadhira hiyo, Waziri wa Fedha na Mipango, Dk Philip Mpango alisema uwekezaji kwenye hisa ni njia mojawapo ya kuwawezesha Watanzania kumiliki uchumi wa nchi.
 
Waziri Mpango alisema anatoa ombi maalumu kwa wafugaji kukubali kuuza mifugo yao na kununua hisa ili kupunguza idadi ya mifugo yao na kupunguza misuguano baina yao na wakulima.
Mtendaji Mkuu wa Vodacom, Ian Ferrao alisema mauzo ya hisa yanayofanywa na kampuni hiyo ni makubwa mara nne ya mauzo ambayo yamewahi kufanyika hapa nchini. Alisema kampuni hiyo ambayo imekwishafanya kazi kwa miaka 17 hapa nchini, imewekeza zaidi ya Sh trilioni mbili katika mtandao wa mawasiliano nchini Tanzania.

Comments

Post a Comment

Popular posts from this blog

Makala - Historia ya Hip Hop Tanzania

Image
Bongo Flava ni jina badala la muziki wa Hip hop ya Tanzania. Mtindo huu ulianzishwa kwenye miaka ya 1990, hasa ukiwa kama mwigo au utokanaji wa hip hop kutoka Marekani, ikiwa na ongezeko la athira ya muziki wa reggae, R&B, afrobeat, dancehall, na mitindo ya asili ya Kitanzania kama vile taarab na dansi, muunganiko ambao umeunda mtindo wa pekee wa muziki Mashairi kawaida huwa kwa lugha ya Kiswahili au Kiingereza. Jina la "bongo flava" ni tokeo la matini yaliyoharibiwa kutoka "bongo flavour", ambapo "bongo" ni wingi wa neno ubongo ambapo mara nyingi huchukua nafasi ya kutaja jina la utani la Dar es Salaam, jiji ambalo mtindo aina ya mtindo huu inatokea. Katika bongo flava, sitiari ya "bongo" inaweza kutaja zaidi maana ya ujanjaujanja wa mtaani, ya msela au masela wingi wake. Istilahi ya "bongo flava" ilitajwa kwa mara ya kwanza mnamo 1996 na Radio One 99.6 FM (moja kati ya redio za kwanza kabisa za binafsi nchini Tanzani...
Read more

Makala - Kilimo cha Mboga Mboga

Image
Mti wa Bilinganya UA NDAAJI WA KILIMO CHA MBOGA MBOGA Kilimo ni hazina katika nchi yoyoe mali hiyo ina manufaa kwa mtu binafsi na    kwa taifa kwa   ujumla.Nchi yetu ya Tanzania ina kilimo cha aina nyingi ,baadhi ya vilimo hivyo ni vya mboga mboga na matunda   na chakula.              Hii leo tunakuletea kilimo cha   mboga mboga hasa tunaangazia zaidi kilimo cha   mchicha,kabichi na Chinese ambavyo ndivyo vinatajwa nqa wtu wengi kuwa ndiyo mboga maarufu na inzaalishwa kwa wingi   katika nchi ya Tanzania. Tunaanza na zao la mchicha,Mchicha ni zao ambalo   hulimwa kwa wingi sehemu yenye udongo wa ufinyanzi na utifutifu kwa mkoa wetu   wa Morogoro hasa Morogoro mjini zao la mchicha hulimwa sana maeneo ya mji mpya,kichangani na maeneo mengine ambayo yamepitiwa na mito au sehemu nyingine zenye maji mengi. Mchicha umegawanyika katika sehemu kuu mbili nazo   ni mchicha wa...
Read more